خليط غريب عجيب .. متجانس و متناقض .. شديدة التوتر، هادئة .. جميلة .. أحياناً.. مترابطة .. مفككة .. ثابتة .. وكثيرة التقلب .. صعبة الفهم .. سهلة الحلول .. عارفين ليش ..؟ .. لأنه غزة غير ..! في غزة تتقلب الأسماء فتراها فجأة تعج بأبي صهيب وأبي معاذ وأبو القعقاع وأبو عبيدة .. ولكن سرعان ما تسمع أبو فادي .. أبو رامي .. وأبو أمل يتبادلون الضحكات والتهكمات على كل شيء .. غير مبالين بما يجري لأنهم يعرفون يعرفون غز ة.. غزة غير ...غزة ..غير .. في غزة تجد الإمام ملتحياً والمصلين ليسوا كذلك.. يصرخ في وجوههم.. يهزوون الرؤوس .. ويطأطؤنها حتى لا يعرف من قال منهم آمين .. خايفيين .. لأنه غزة غير .. مثقفون متعلمون ومتخلفون .. يحبون المتعة .. يتزوجون .. يتذمرون .. ودائما يحمدون ..::!! لا اغتصاب فيها.. ولكنهم يشرعنون الاغتصاب .... فتجد في بيوتهم ثلاث وأربع نساء لا حول ولا قوة لهم .. وذنبها الوحيد أن جوزها كان شهيد .. وانعدمت خياراتهم . .وللذكور حقوق .. يسمونها حلال ... وينسون حرمة العيشة الضنكا في بيت لا يتسع إلا لزوجين وخروف العيد .. ولكنها غزة .. لأنها غير.......... فيها فلوس كثير.. أكثر من الناس .. بس زي إلي ضايعين في البحر... في ميا كثير ولكن لا يوجد ميا للشرب .. إلا مع القبطان لأنه القبطان غير..... محنا قلنا.. غزة غير. متعصبون .. متطرفون .. ولكنهم سريعوا النسيان فتجدهم يقبلون بالفتات على موائد الكبار .. ويحمدون الله صبحة وعشية على هذا النعيم .. ويصفقون لمليكهم لأن الناس هنا على دين مليكها .... مش مشكلة قديش صار معاه .. وايش لونه.. احمر ..اصفر .. اخضر ..كلها ألوان خلقة ربنا ..وسهل يروح يدور على صكوك الغفران الجديدة ...ختم على وصل البلدية لأنها غزة؟؟...!!! وغزة ري ما انتوا عارفين غييييييير ............................... هم سنة بطبعهم .. شيعة بمزاجهم وجيوبهم .. كفار بترفهم ويحبون الشقر والعيون الزرقاء .. بكرهوا امريكا ... لأنه غزة غير... بحبوا ابو مدين وبلد المليون شهيد وبشجعوا مصر عشان فاتحيين المعبر .. طيب مهي مصر بردوا غير..؟؟!! هنا في غزة اللصوص يدخلون من الأبواب وفي وضح النهار لأنه يا ويله إلي بطلع باللي ل.. بس الغريب أنه الشرطة عيكس.. عكاس.. ما بتدخل من الأبواب وما بتحب الضو ولا النهار.. وما بتسرق حاجة من أغراض الناس. يعني فيه ضمير.... بس سهل جداً تعرف إنه الشرطة كانت عندك بالليل ..خاصة إذا راح الهارد ديسك تبعك...وسابوا الكمرات هادي هيه غزة.. لأنها غير.. المتهم ممكن يروح على الدار بعد ساعة ..والشاهد ياكل قتلة ...إذا دخلت السياسة على الخط.. عارفين ليش طبعاً عارفين لأنه غزة غير.. هلقيت كثير منكم بيقول زهقتنا ؟؟...شو هالكاتب الي عامل الدنيا خلط.. ملط.. وما خلا.. اشي ولا حدا من شره.. يمكن تلاقيه معهم وعامل حاله معنا..وبعديين نص المقال فصحة ونصه عامية والاملا غلط .. يعني خرابيش عارفين ليش.. لأنه غزة غير وانا غير...وانتوا غير !!! وخودوا بالكم انا ما قلت وقدتيش غزة كانت هيك....ماشي..مش تقولوا المكتوب غير ........حرر في غزة اليوم ..من غير تاريخ ..والسلام عليكم
