".. لسنا بحاجة لإثارة ، نحنُ والحمد لله بدون غرائز ، نحنُ بـ غـزّة ..!!" (1)النقاش يدور حول رفع عدد أعضاء المجلس التشريعي إلى (150) عضواً ، بدلاً من الوضع/العدد الحالي (132) ، ليكونوا هم أنفسهم حصة المناطق المحتلة في المجلس الوطني ، من دون حاجة لإجراء انتخابات مستقلة/خاصة ، لهذا/بهذا ، المجلس في المناطق الفلسطينية .. يعنـي : (انتخابات التشريعي (=) الوطني) وهو ما ورد نصاً في قانون الانتخابات المعدّل (كل عضو مجلس تشريعي عضو مجلس وطني طبيعي ، وطبعاً ، العكس غير صحيح) . الخلاف-النقاش ، بين / حول ، الفصائل التي ترفض المشاركة في التشريعي -الجهاد- مثالاً .. ما يجعلها –افتراضياً- تفقد حصتها الانتخابية في الداخل ، والاكتفاء بما قد تحرزه من أصوات الخارج .. القصة طوّاله / لسه حكي ، وخود وعَطي / .. المهم ، الأردن سيكون في المعادلة خارج الرياضيات / ساقط جنسياً / لحساب الجنسية الأردنية "الأم" اللي ربّت مش اللي رَضّعَت ..! رغم أنه يشكّل "بـ لاجئيه المقيمين" الثقل الفلسطيني لمواطنيه وليس للوطن البديل .. "أكيـد" ..!!؟ (خلص اللاجئ اللي هناك صار أردني / لسّه بنضحك ع بعض / يهمسون !!) يبقى الحديث إذاً ، عن (2) مليون فلسطيني وشوَي ، بإسقاط (3) مليون وشوَي ، في الأردن موزعين : سوريا/لبنان/مصر /ليبيا/العراق /كندا النرويج وخارج الخارج .. الخ ، في حكي إنّو مش مستاهله انتخابات (!) خاصة وإنّو منهم أقل من النص يحق له الاقتراع (+) الأوضاع الداخلية للدول "لن تسمح" <<هيك راح يحكو ..!>> // يعني ممكن تعيين .. من الآخر .. وتوافق كوتا .. وتوته توته // وأصل الحدّوته نكبة !! إخوانّا بالأرض المحتلة (48) .. ريحوا راسكو انتو بالقلب بس أكيد مش بالتشريعي ولا بالوطني ، بالكنيست ممكن ، وممكن نتحفظ ونعيد ونزيد .. هيا هيك .. طيب إذن راح نضطر نرجع معا وسويا فلسطينيا لغزة أولا وأريحا -رام الله ثانيا لانتخاب (150) نائب إن تمت المصالحة وان تشكلت الحكومة وان جرت الانتخابات وإذا شدّيتـو شعركو ... هذا والله أعلـــم ..!! (2)وزير صحة رام الله أبو مغلي ، وصحة غزّة بالنّازل ..!! لن نعلّق على خبر استقبالك ضباط إسرائيليين في مجمع فلسطين الطبي برام الله .. لأن الشعب ع الفيس والأرض من أفعالكو بيغلـي ..! خمرتك يا وطن .. صُب يا ولد خلينا ننسى .. تنسى ايش يابا هيّا بس أبو مغلي .. طيب وأم أربعة وأربعين وهادو لاك الاتنين اللي عم يلعبوا طرنيب ع طيا(...)نــا .. بس وله : عيب ، استحي .. إن شالله يابا بستحي بس تيجي الكهربا وتيجي المصالحة وتيجيهم فيضه .. ومن (تيجي) يابا إذا بتشوفني .. يا أولاد القمحة .. شايفين ايش سوّيتوا بـ هالبلد .. يلا رجعولي الولد ..!! (3)" .. نحن نعلم أن الله ليس حيادياً ، إن الله معنا ..!!" George W. Bush" .. الله سينقذ إسرائيل ويرسل نجاد إلى الجحيم ..!!" الحاخام عوفاديا يوسف" .. اللـــهُ معنا ..!!" آية الله علي خامنئيعبر روتانا سينما أتابع فيلم (الله معنـا) من روائع الفن السابع/ إنتاج 1955/ (قصة وسيناريو وحوار) إحسان عبد القدوس . الله معـنا .. إحنا الحلقـــة الأضعـــف ..!! (4)تحت إشراف معالي حوالي الوزير اللاحق تقريباً أو عشرين عام من الآن .. افتتاح دور عرض سينما في غـزّة .. وبهذه المناسبة فإنني أُنَبّـهُ لتغييرٍ حَدَثَ ويحدُث في سوقِ المتعةِ ومواقفِ السيارات والفصائل وتكتيكاتها وشعاراتها وتصفيف شعر قياداتهــا .. ولذا اقتضى التنويـه ..!! أكرم الصوراني28/فبراير/2012
